Azərbaycan Respublikasının Prezidenti İlham Əliyev mayın 24-də ABŞ Konqresinin üzvləri Adam Şif, Elison Şvarts və Ueyn Gilkrestdən ibarət nümayəndə heyətini qəbul etmişdir.
Dövlətimizin başçısı ölkəmizdə sürətli inkişaf proseslərinin getdiyini vurğulayaraq əmin olduğunu bildirdi ki, ABŞ nümayəndə heyətinin səfəri qonaqlara bu proseslərlə yaxından tanış olmaq üçün yaxşı imkan yaradacaqdır.
Qonaqlar ölkəmizə səfərindən və Prezident İlham Əliyevlə görüşlərindən məmnun olduqlarını söylədilər. Bildirdilər ki, səfərin əsas məqsədi Azərbaycanda və regionda gedən proseslərlə yaxından tanış olmaqdan ibarətdir.

AzərTAc-ın xüsusi müxbirləri xəbər verirlər ki, mayın 22-də Taras Şevçenko adına Kiyev Milli Universitetində Azərbaycan Respublikasının Prezidenti İlham Əliyevə bu təhsil ocağının fəxri doktoru adı verilməsi münasibətilə mərasim keçirilmişdir.
Mərasimə toplaşanlar Azərbaycan dövlətinin başçısını səmimiyyətlə qarşıladılar.
Universitetin rektor əvəzi akademik Leonid Quberski mərasimi açaraq, Azəraycan Prezidenti İlham Əliyevin həyat və fəaliyyəti haqqında ətraflı məlumat verdi.

Ukrayna ilə Azərbaycan Respublikası arasında dostluq və əməkdaşlıq əlaqələrinin inkişaf etdirilməsindəki xüsusi xidmətlərinə görə Ukrayna Prezidenti Viktor Andreyeviç Yuşşenko “Heydər Əliyev” ordeni ilə təltif edilsin.

İlham Əliyev
Azərbaycan Respublikasının Prezidenti


Bakı şəhəri, 21 may 2008-ci il.

Ölkəmizin mədəniyyət və incəsənətini Avropada tanıtmaq sahəsində səmərəli fəaliyyət göstərən Heydər Əliyev Fondunun dəstəyi ilə mayın 20-də Parisdə YUNESKO-nun qərargahında xoşməramlı səfirlərin illik yığıncağı çərçivəsində azərbaycanlı gənc istedadların “Xoşməramlı mələklər” konsert proqramı təqdim edilmişdir.
Azərbaycanın birinci xanımı, YUNESKO-nun xoşməramlı səfiri Mehriban xanım Əliyeva və YUNESKO-nun baş direktoru Koişiro Matsuura konsertdə olmuşlar.
Konsertdən əvvəl baş direktor Koişiro Matsuura çıxış edərək, onun təşkilinə görə Mehriban xanım Əliyevaya təşəkkür etdi. Xoşməramlı səfirlərin YUNESKO ailəsinin ən fəal üzvləri olduğunu və bu sırada Mehriban xanımın xidmətlərini xüsusi vurğulayan baş direktor Azərbaycanın və onun paytaxtı Bakının gözəlliklərindən, ölkəmizin qədim tarixindən, zəngin mədəni irsindən danışdı.

AzərTAc xəbər verir ki, Türkmənistan Prezidenti Qurbanqulu Berdiməhəmmədov mayın 20-də Heydər Əliyev Fondunda olmuşdur.
Azərbaycan Prezidenti İlham Əliyev burada Türkmənistan Prezidentini səmimiyyətlə qarşıladı.
Ali qonağı Fonddakı eksponatlarla tanış edən Azərbaycanın dövlət başçısı ulu öndər Heydər Əliyevin fəaliyyəti haqqında məlumat verdi.

Azərbaycan Respublikasının Prezidenti İlham Əliyev mayın 20-də Türkiyənin Jandarma Qüvvələrinin Baş Qərargah rəisi İbrahim Açıq Meşəni qəbul etmişdir.
Görüşdə Azərbaycanla Türkiyə arasında dostluq və qardaşlıq münasibətlərinin bütün sahələrdə uğurla inkişaf etdiyi vurğulandı. Ölkəmizin müvafiq qurumları ilə Türkiyənin Jandarma Qüvvələri arasında əməkdaşlığın da yüksək səviyyədə olduğu bildirildi və qonağın ölkəmizə səfərinin bu sahədə əlaqələrin daha da möhkəmləndirilməsinə töhfə verəcəyinə əminlik ifadə edildi.

Azərbaycan Respublikasının Prezidenti İlham Əliyev mayın 19-da Koreya Respublikasının Baş naziri Han Sın Sunun başçılıq etdiyi nümayəndə heyətini qəbul etmişdir.
Dövlətimizin başçısı ölkələrimiz arasında əlaqələrin bütün sahələrdə uğurla və sürətlə inkişaf etdiyini vurğuladı. Prezident İlham Əliyev son illər Azərbaycanla Cənubi Koreya arasında səmərəli əməkdaşlığa nail olunduğunu qeyd etdi. Dövlətimizin başçısı ümidvar olduğunu bildirdi ki, Koreya Respublikası Baş nazirinin ölkəmizə səfəri və imzalanan mühüm sənədlər əlaqələrin daha da genişlənməsi işinə töhfə verəcəkdir.
Baş nazir Han Sın Su Koreya Respublikasının Prezidenti Li Men Bakın ən xoş arzularını və səmimi salamlarını dövlətimizin başçısına çatdırdı.

Azərbaycan Respublikasının Prezidenti İlham Əliyev mayın 14-də Prezident sarayında YUNESKO-nun baş direktoru Koişiro Matsuuranı qəbul etmişdir. Görüşdə Azərbaycanla YUNESKO arasında əlaqələrin yüksək səviyyədə olduğu, ölkəmizdə bu təşkilatın xətti ilə keçirilən uğurlu tədbirlərin əməkdaşlığın daha da genişlənməsinə töhfə verdiyi bildirildi. Cənab Koişiro Matsuura ilə Azərbaycan Prezidenti arasında keçirilən səmərəli görüşlərin əlaqələrin daha da möhkəmlənməsi baxımından əhəmiyyəti vurğulandı və əməkdaşlığın bundan sonra da dərinləşəcəyinə əminlik ifadə olundu.

“Gender (kişi və qadınların) bərabərliyinin təminatları ilə bağlı “Dövlət qulluğu haqqında” və “Məşğulluq haqqında” Azərbaycan Respublikasının qanunlarına əlavə və dəyişiklik edilməsi barədə” Azərbaycan Respublikasının 2008-ci il 1 aprel tarixli 579-IIIQD nömrəli Qanununun qüvvəyə minməsi ilə əlaqədar həmin Qanunun tətbiq edilməsini təmin etmək məqsədi ilə qərara alıram:
1. Azərbaycan Respublikasının Nazirlər Kabinetinə tapşırılsın ki, bir ay müddətində:
1.1. qüvvədə olan qanunvericilik aktlarının “Gender (kişi və qadınların) bərabərliyinin

-Cənab, Prezident,
hörmətli qonaqlar,
xanımlar və cənablar!
Cənab Prezident, ilk növbədə, Sizi Azərbaycanda bir daha salamlamaq istərdim. Sizi və nümayəndə heyətinizi burada qəbul etməkdən çox məmnunam. Biz bu gün qarşılıqlı maraq doğuran bir çox məsələləri geniş müzakirə etdik. İkitərəfli məsələləri müzakirə etdik, ölkələrimiz arasında siyasi müstəvidə əlaqələrimizin səviyyəsindən razılıq ifadə olundu. Bu, iki ölkə arasındakı ikitərəfli əlaqələrin tarixində İsveçrə Prezidentinin Azərbaycana ilk səfəridir.

Mayın 12-də Azərbaycanda rəsmi səfərdə olan İsveçrə Konfederasiyasının Prezidenti Paskal Kuşpenin rəsmi qarşılanma mərasimi olmuşdur.
Hər iki ölkənin dövlət bayraqlarının dalğalandığı meydanda ali qonağın şərəfinə fəxri qarovul dəstəsi düzülmüşdü.
Fəxri qarovul dəstəsinin rəisi Azərbaycan Respublikasının Prezidenti İlham Əliyevə raport verdi.

Mayın 10-da Azərbaycan xalqının ümummilli lideri, dünya şöhrətli siyasi xadim Heydər Əliyevin 85 illik yubileyi ilə əlaqədar Bakıda, ulu öndərin adını daşıyan sarayın qarşısındakı parkda möhtəşəm gül bayramı təşkil edilmişdir.
Azərbaycan Prezidenti İlham Əliyev və xanımı, Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban Əliyeva, qızı Arzu gül bayramında olmuşlar.

Mayın 10-u müstəqil Azərbaycan dövlətinin memarı və qurucusu, xalqımızın dahi oğlu və ümummilli lideri Heydər Əliyevin anadan olmasının 85-ci ildönümüdür. Qədirbilən Azərbaycan xalqı, bütün dünyada Heydər Əliyevi tanıyanlar və sevənlər beşinci ildir bu dahi şəxsiyyətin doğum gününü onsuz qeyd edirlər.
Ümummilli liderimizin ad günü ərəfəsində olduğu kimi, mayın 10-da da sübh tezdən respublika

“Azərbaycan Respublikası Prezidentinin fərdi təqaüdünün təsis edilməsi haqqında” Azərbaycan Respublikası Prezidentinin 2002-ci il 11 iyun tarixli 715 nömrəli Fərmanına uyğun olaraq qərara alıram:
1. Azərbaycan Respublikasında mədəniyyət və incəsənət sahələrində böyük xidmətləri olan aşağıdakı şəxslərə Azərbaycan Respublikası Prezidentinin fərdi təqaüdləri verilsin:

Axundov Ramiz Həbib oğlu
Baliyev Yuri Nikolayeviç
Dadaşov Rafael Məlik oğlu

“Azərbaycan hökuməti son beş il ərzində terrorizmə qarşı mübarizə və terrorçu təşkilatların fəaliyyətinin araşdırılması istiqamətində əhəmiyyətli işlər görüb”.
AzərTAc xəbər verir ki, bu fikir ABŞ Dövlət Departamentinin ötən il dünya ölkələrində terrorizmə qarşı mübarizənin vəziyyətinə dair illik hesabatında öz əksini tapmışdır. Sənəddə deyilir ki, Azərbaycan 2003-cü ilin avqustundan İraqda keçirilən sülhməramlı əməliyyatları dəstəkləyir və həmin əməliyyatlarda iştirak etmək üçün 150 əsgəri qüvvə göndərmişdir.
Bundan başqa, Azərbaycan hərbçiləri 2002-ci ilin noyabrından Əfqanıstanda türkiyəli sülhməramlılarla birgə antiterror əməliyyatlarında da fəal iştirak edirlər.

AzərTAc xəbər verir ki, aprelin 30-da ATƏT-in Bakı ofisinin başçısı Xose Luis Herrero Ansola, Avropa Şurası nümayəndəliyinin rəhbəri Denis Bribosia və Avropa Komissiyası nümayəndəliyinin başçısı Alan Uaddams Azərbaycanda qarşıdan gələn prezident seçkilərinin keçirilməsinə birgə dəstək proqramını təqdim etmişlər.
Beynəlxalq qurumların başçılarının birgə bəyanatında deyilir: “Seçki prosesinin bütün iştirakçıları seçkiləri beynəlxalq standartlara uyğun təşkil etmək üçün ciddi səylər göstərməlidirlər. Biz bu səyləri dəstəkləməyə hazırıq”.
ATƏT-in Bakı ofisinin rəhbəri Xose Luis Herrero Ansola bildirmişdir ki, hər üç təşkilatın Azərbaycanda seçkiqabağı vəziyyətə və seçkilərə hazırlıq tədbirlərinə ümumi baxışı vardır: “Biz əminik ki, Azərbaycan seçkiləri beynəlxalq standartlar səviyyəsində keçirə bilər və öz növbəmizdə bu məsələdə ölkənizə kömək etmək niyyətindəyik”.

Azərbaycan Respublikasının Prezidenti İlham Əliyev aprelin 30-da Prezident sarayında Danimarka Krallığının ölkəmizdə yeni təyin olunmuş fövqəladə və səlahiyyətli səfiri Cesper Vahrın etimadnaməsini qəbul etmişdir.
Səfir Prezident sarayında fəxri qarovul dəstəsinin qarşısından keçdi.
Cesper Vahr etimadnaməsini Azərbaycan Prezidenti İlham Əliyevə təqdim etdi. Dövlətimizin başçısı səfirlə xatirə şəkli çəkdirdi.